|
|
Is-Servizz Pubbliku: Linja gwida fuq x’inhu meqjus bħala fastidju sesswali u l-proċedurili għandhom jittieħdu f’każijiet ta’ fastidju sesswali.
Dan id-dokument hu intenzjonat biex ixerred it-tagħrif lil kull uffiċjal pubbliku dwar x’inhu meqjus bħala
fastidju sesswali u dwar id-drittijiet u l-obbliġi tal-Kapijiet tad-Dipartimenti u ta’ l-impjegati. Partikolarment, huwa intiż li jiżgura illi jiġi mifhum b’mod ċar illi
l-fastidju sesswali fuq il-post tax-xogħol huwa projbit u jista’ jwassal għall-konsegwenzi serji.
Il-proċeduri li jinsabu f’dan id-dokument japplikaw għal allegati każijiet ta’ fastidju sesswali li jistgħu jsofru l-uffiċjali pubbliċi kollha, sew jekk impjegati full-time
or part-time sew jekk jkunu qed jaħdmu b’kuntratt sew jekk dan ikun sar permezz tal-Kummissjoni dwar is-Servizz Pubbliku jew le, kif ukoll għall-istudenti
u l-apprentisti ngaġġjati fis-Servizz Pubbliku matul il-perjodu tal-kuntratt jew ta’ l-ingaġġ jew ta’ l-apprentistat tagħhom.
|
